Ministri i Turizmit, Kulturës dhe Sportit, Blendi Gonxhja, vizitoi Panairin e Mobilerisë, së bashku me ministren e Shtetit për Marrëdhëniet me Parlamentin, Erjona Ismaili.

Ky është edicioni i 32-të i këtij panairi që po zhvillohet në Pallatin e Kongreseve. Ministri Gonxhja vlerësoi rolin e këtij sektori në mbështetje të turizmit në përgjithësi dhe veçanërisht të strukturave akomoduese të cilat kanë nevojë për mobilim cilësor.

“Një hapësirë e dedikuar për markat dhe profesionistët e industrisë, ku prezantohen produkte, ide dhe zgjidhje për tregun shqiptar, duke pasqyruar rolin në rritje të këtij sektori në mbështetje të turizmit dhe nevojave për mobilimin cilësor të strukturave akomoduese, si dhe kontributin e prodhimeve vendase në forcimin e ekonomisë “Made in Albania”, që po konsolidohet dhe promovon cilësi, ndërsa turizmi vijon të nxisë zhvillimin e sektorëve të shërbimeve, punësimin dhe standardet në një treg gjithnjë e më konkurrues dhe inovativ”, u shpreh ministri Gonxhja.

Burimi ATSH