Ministria për Evropën dhe Punët e Jashtme përsërit thirrjen për qytetarët shqiptarë që të shmangin sa më shumë të jetë e mundur çdo udhëtim jo të domosdoshëm në rajonin e Lindjes së Mesme, pas përshkallëzimit të situatës dhe në kushtet e pasigurisë dhe paparashikueshmërisë së zhvillimeve.

Në mënyrë të veçantë, udhëtimet për arsye turistike në këtë rajon duhet të shtyhen deri në një njoftim të dytë.

“Lidhur me përshkallëzimin në rajonin e Lindjes së Mesme, dhe në kushtet e pasigurisë dhe paparashikueshmërisë së zhvillimeve, përsërisim thirrjen për qytetarët shqiptarë që të shmangin sa më shumë të jetë e mundur çdo udhëtim jo të domosdoshëm, në mënyrë të veçantë çdo udhëtim për arsye turistike në këtë rajon, deri në një njoftim të dytë”, citohet deklarata e MEPJ.

Ministria informon po ndjek me vëmendje zhvillimet dhe do të informojë publikun në mënyrë të vazhdueshme për çdo ndryshim të situatës.

Burimi ATSH