Gogu: Drejtësia nuk certifikohet me një vendim, por provohet çdo ditë

Ministri i Drejtësisë, Toni Gogu ka vënë në qendër të reflektimit të tij të fundit raportin mes pavarësisë së drejtësisë dhe përgjegjësisë së ekzekutivit


Ministri i Drejtësisë, Toni Gogu ka vënë në qendër të reflektimit të tij të fundit raportin mes pavarësisë së drejtësisë dhe përgjegjësisë së ekzekutivit, duke theksuar se ndërhyrja në çështjet konkrete gjyqësore është një kufi që ministri nuk duhet ta kapërcejë.

“Aty ku vepron gjyqtari dhe prokurori, ekzekutivi hesht”, shkruan Gogu në të parin nga tre shënimet që pritet të publikojë gjatë verës.

Sipas ministrit, roli i Ministrisë së Drejtësisë nuk është të gjykojë çështje konkrete apo të ndikojë në vendimmarrjen e gjyqtarëve dhe prokurorëve, por të krijojë kushtet që sistemi i drejtësisë të funksionojë, të jetë i kuptueshëm dhe të mund të matet nga qytetarët.

Gogu thekson se pavarësia e drejtësisë dhe e drejta e qytetarëve për ta kuptuar atë nuk janë në kundërshtim me njëra-tjetrën. Sipas tij, transparenca dhe shpjegimi i vendimmarrjes janë të rëndësishme për forcimin e besimit të publikut te sistemi.

“Një vendim i pashpjeguar krijon hapësirë për keqinterpretim dhe dëmton besimin publik”, argumenton ministri.

Në këtë këndvështrim, Gogu vlerëson se suksesi i reformës në drejtësi nuk duhet të matet vetëm përmes numrit të ligjeve, strukturave apo dosjeve të trajtuara, por edhe përmes përvojës së qytetarit në kontakt me sistemin e drejtësisë.

Sipas tij, rëndësi kanë elementë konkretë, si koha e pritjes së qytetarit, lehtësia e aksesit në drejtësi dhe aftësia për të kuptuar vendimet që shteti merr në lidhje me të.

“Drejtësia nuk certifikohet me një vendim. Ajo provohet çdo ditë”, përfundon Gogu.

Lexo më shumë nga

Rama merr çmimin “CER Lord Jakobovits” për kontribut në promovimin e tolerancës dhe dialogut ndërfetar

Kryeministri Edi Rama u nderua sot me Çmimin CER Lord Jakobovits, për kontributin në promovimin e tolerancës dhe dialogut ndërfetar.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama merr çmimin “CER Lord Jakobovits” për kontribut në promovimin e tolerancës dhe dialogut ndërfetar

Kryeministri Edi Rama u nderua sot me Çmimin CER Lord Jakobovits, për kontributin në promovimin e tolerancës dhe dialogut ndërfetar.