Tre dokumentarë mbi mendimet e Presidentit të Kinës Xi Jinping, të prodhuara nga Grupi Mediatik i Kinës (CMG), nisën të hënën transmetimin në televizionet kryesore të Laosit. Lidhur me këtë, Sekretari i Përgjithshëm i Komitetit Qendror të Partisë së Revolucionit të Popullit dhe Presidenti i Laosit, Thongloun Sisoulith dërgoi një letër urimi.

Letër urimi nga Presidenti i Laosit, Thongloun Sisoulith/Foto nga CMG

Në letër shkruhet se, dokumentarët si “Ndjenjat Kulturore e Xi Jinping-ut” përmbajnë mençurinë filozofike kineze, duke pasqyruar vëmendjen e madhe që lideri kinez i kushton mbrojtjes së trashëgimisë kulturore, si dhe dashurinë e zjarrtë të tij për historinë dhe qytetërimin e vendit.

Vansy KUAMUA, zv.drejtori i Departamentit të Publicitetit të Komitetit Qendror të Partisë së Revolucionit të Popullit të Laosit/Foto nga CMG

Shen Haixiong, Drejtori i përgjithshëm i Grupit Mediatik të Kinës/Foto nga CMG

Foto nga CMG

“Ky është një shembull i mirë për Laosin për të mësuar, pasi vendi po çon përpara zhvillimin ekonomiko-shoqëror, duke mbrojtur kulturën unike të kombit gjatë kauzës së ndërtimit të socializmit”, tha kreu i shtetit i Laosit, Thongloun.

Ky vit shënon 65 vjetorin e vendosjes së marrëdhënieve diplomatike midis Kinës dhe Laosit. Një ceremoni për nisjen e transmetimit dhe promovimin e dokumentarëve u zhvillua të martën në Vientiane, kryeqytet të Laosit, e organizuar bashkërisht nga CMG dhe Departamenti i Publicitetit të Komitetit Qendror të Partisë së Revolucionit të Popullit të Laosit.

Burimi CGTN