I nominuari i presidentit amerikan Donald Trump për postin e ambasadorit të SHBA-së në Shqipëria, Eric Wendt, ka mbajtur deklaratën e tij hyrëse para Senatit të SHBA-së, ku u ndal te përvoja e tij ushtarake, marrëdhëniet me Shqipërinë dhe objektivat që synon të realizojë nëse merr miratimin për postin.

“Jam i nderuar për besimin e Presidentit të SHBA-së për këtë nominim si ambasador në Shqipëri. Për 34 vite kam shërbyer si ushtarak në SHBA. Kam punuar në DASH për dy vite, duke u angazhuar me çështjen e autoritetit izraelit dhe palestinez. Që prej tërheqjes nga shërbimi, kam dhënë mësim në Kaliforni si akademik. Edhe familja ime i ka shërbyer shtetit dhe ne jemi një familje në shërbim të SHBA-së. Si komandant në NATO, disa trupa shqiptare kanë qenë pjesë e komandës sime. E di që shqiptarët personifikojnë shpirtin e Skënderbeut. Shqiptarët janë krenarë, punëtorë dhe mikpritës.Do të eksplorojmë mënyra për të mbështetur Shqipërinë në luftën kundër korrupsionit, krimit të organizuar dhe trafikimit të drogës që lidhet me kartelet latine, për të ndihmuar që Shqipëria dhe SHBA të jenë më të sigurta.”-tha Wendt.