Kombëtarja shqiptare e futbollit do të luajë kundër Anglisë, Serbisë, Letonisë dhe Andorrës në grupin K të eliminatoreve të Botërorit “SHBA-Meksikë-Kanada 2026”.

Verdikti i goglave të Nyon-it në Zvicër duket se nuk ka qenë shumë i favorshëm për kuqezinjtë pasi përballjet e mëparshme me rivalët në këtë grup nuk kanë qenë pozitive.

Kundër përfaqësues së Anglisë kuqezinjtë njohin vetëm humbje në gjashtë takime të luajtura në histori, teksa kanë shënuar vetëm 1 gol.

Sa i përket Serbisë, kuqezinjtë janë përballur vetëm dy herë. Bëhet fjalë për kualifikueset e Evropianit “Francë 2016”, me takimin e parë që iu dha fitorja në tavolinë kuqezinjve 0-3pas incidenteve në Beograd, ndërsa në sfidën e kthimit, ekipi i drejtuar në atë kohë nga De Biazi u mposht 0-2 në Elbasan.

Edhe precedentët me Letoninë nuk janë pozitive. Në pesë takime me ekipin baltik, të pesta janë mbyllur në barazim.

Precedentët më pozitivë Shqipëria i ka me Andorrën, të cilën në 7 takime, e ka mundur 5 herë, një barazim dhe një humbje në një miqësore në vitin 2002.

Takimet për Shqipërinë do të nisin në mars të vitit 2025 dhe do të përfundojnë në nëntor të po atij viti.

(ATSH)