Rama: “Caravan Horse Riding Albania”, frymëzim për t’u besuar përvojave që Shqipëria ofron

“Caravan Horse Riding Albania” në Gjirokastër është sot një atraksion që tërheq turistë të shumtë.


“Caravan Horse Riding Albania” në Gjirokastër është sot një atraksion që tërheq turistë të shumtë.

Kryeministri Edi Rama ndau sot në rrjetet sociale historinë e kësaj qendre kalërimi, një inisiativë e ngritur në 2011, por e lindur prej pasionit të Kristina Fidhit që prej fëmijërisë për kuajt dhe kalërimin në natyrë.

“Modeli “Caravan Horse Riding Albania” në Gjirokastër që lindi në një kohë të vështirë, por me dashuri të madhe është një atraksion e frymëzim për t’u besuar përvojave që Shqipëria ofron”, u shpreh Rama.

Drejtuesja e kësaj qendre tregon se ishte një iniciativë jo e lehtë dhe për kohën dukej gati një ide e çmendur, pasi ishte periudha kur në Gjirokastër kishte një apo dy hotele, ndërsa mungonin thuajse tërësisht vizitorët.

“Shpresa për kalorës ishte gati e çuditshme për kohën. Kemi bërë gati dy vite përpjekje për të vendosur kontakte ndërkombëtare. Në vitin e parë të punës kishim gjithsej
13 klientë. Më së shumti funksionoi prej komenteve dhe besimit që klientët krijuan”, tregon ajo.

Pas kësaj periudhe, sipas saj agjenci të tjera iu bashkuan dhe tashmë qendra ka 25 partnerë ndërkombëtarë dhe përfaqëson Shqipërinë denjësisht në panairet ndërkombëtare të kuajve dhe kalërimit në disiplinën e kalërimit në natyrë.

“Ne kalërojmë kalin shqiptar që është një nga kuajt më të pamposhtur, një ngjitës i shkëlqyer i maleve”, tregon ajo.

Mësimet e kalërimit janë produkt i viteve të fundit të kësaj qendre.

Kristina thotë se ka besim se do të arrijë të ngrejë një komunitet kalorësish që të arrijë në rreth 200 kalorës, në 5 vitet e ardhshme.

Vizitorë që po vizitonin këtë qendër e konsideruan të shkëlqyer.

“Caravan Horse Riding Albania” është vendosur mbi kodrat e fshatit “Asim Zeneli”, një mjedis ideal për t’u dhënë lirinë e natyrës 40 kuajve të kësaj qendre.

Përballë shfaqet pamja e luginës së Drinos dhe qyteti i Gjirokastrës, pasuri e UNESCO-s. Qendra gjendet shumë pranë disa siteve me rëndësi historike, kulturore dhe natyrore që janë bërë edhe pjesë e itinerareve që ofrohen për kalorësit.

Partnerët lokalë të kësaj qendre janë 12 familje pritëse, një rrjet hotelesh, restorantesh, njësish të vogla, fermerë lokalë që furnizojnë fermën me ushqim gjithëvjetor për kuajt, farmaci veterinare, artistë, artizanë, fermerë, ferma të vogla, agjenci të specializuara në off road etj.

(ATSH)

Rama: Diella, forca drejtuese e reformave dhe integrimit europian

Ministrja e Shtetit për Inteligjencën Artificiale, Diella, ka kaluar kufijtë e Shqipërisë dhe është bërë temë diskutimi në mediet kryesore…

Global 360

Protesta në Hagë, Rama: Asgjë tjetër përveç drejtësisë, për Kosovën dhe çlirimtarët e saj

Kryeministri Edi Rama deklaroi sot se shqiptarët kërkojnë vetëm drejtësi për Kosovën dhe çlirimtarët e saj.

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Elisabeta Katiaj – Zëri i gruas në biznes dhe në diasporë

Si nënkryetare e Dhomës së Biznesit të Diasporës Shqiptare, Katiaj ka ndihmuar në ngritjen e një platforme të fortë për…

Masmedia

Rama: Diella, forca drejtuese e reformave dhe integrimit europian

Ministrja e Shtetit për Inteligjencën Artificiale, Diella, ka kaluar kufijtë e Shqipërisë dhe është bërë temë diskutimi në mediet kryesore…