Vendimet që kanë rëndësi jetike për reformën e Kinës priten të merren në një mbledhje partiake që mbahet në mesin e muajit tjetër.

Sipas njoftimit mediatik, partia në pushtet në Kinë, PKK do të nisë plenumin e tretë të komitetit të 20-të qendror të saj më 15 korrik në Pekin.

Plenumi, në të cilin do të shqyrtohen çështjet që lidhen me thellimin e mëtejshëm të reformës dhe avancimin e modernizimit kinez, do të zgjasë deri më 18 korrik.

Në një takim të Byrosë Politike të Komitetit Qendror të PKK-së që u mbyll të enjten në Pekin, anëtarët pjesëmarrës u njohën me opinionet e paraqitura brenda e jashtë Partisë për një draft mbi çështjet përkatëse. Siç mësohet, pas rishikimit, drafti do të dorëzohet për diskutim në plenum.

Siç mësohet, në draftin qartësohet se Kina do të përfundojë ndërtimin e një ekonomie tregu socialiste me standarde të larta para fundit të vitit 2035. Në të njëjtën kohë, do të realizohet deri në atë kohë modernizimi i sistemit dhe të kapacitetit qeverisës, si dhe të arrihet parimisht modernizimi i Kinës.

Vendimet që merren në plenumin e tretë të çdo komiteti qendror të PKK-së kanë rëndësi të mëdha për të drejtuar zhvillimin e vendit gjatë mandatit të këtij komiteti. Si për shembull, në plenumin e tretë të Komitetit të 11-të të PKK-së, në vitin 1978, u mor vendimi të praktikohej politika Reforma e hapje ndaj botës së jashtme.

Burimi: CRI.CN