Në kuadër të Ditës Botërore të Pyjeve, Ambasadorja e Shqipërisë Luela Hajdaraga mori pjesë në aksionin simbolik të mbjelljes së pemëve që u zhvillua në Parkun Kombëtar të Parnithës, me iniciativën e Presidentes së Republikës Greke, Katerina Sakellaropoulou.

Ky aktivitet, i cili u zhvillua në bashkëpunim me Drejtorinë e Përgjithshme të Pyjeve dhe Mjedisit Pyjor të Ministrisë së Mjedisit dhe Energjisë të Greqisë, bëri bashkë Ambasadore, arsimtarë, përfaqësues të Organizatës së Mjedisit Natyror dhe Ndryshimeve Klimatike, prindër dhe nxënës.

POSTIMI I AMBASADËS SHQIPTARE

Në kuadër të Ditës Botërore të Pyjeve, Ambasadorja e Shqipërisë znj. Luela Hajdaraga mori pjesë në aksionin simbolik të mbjelljes së pemëve që u zhvillua në Parkun Kombëtar të Parnithës, me iniciativën e Presidentes së Republikës Greke, znj. Katerina Sakellaropoulou.

Ky aktivitet, i cili u zhvillua në bashkëpunim me Drejtorinë e Përgjithshme të Pyjeve dhe Mjedisit Pyjor të Ministrisë së Mjedisit dhe Energjisë të Greqisë, bëri bashkë Ambasadore, arsimtarë, përfaqësues të Organizatës së Mjedisit Natyror dhe Ndryshimeve Klimatike, prindër dhe nxënës të shkollës së 3-të Fillore të Agia Paraskevi, të cilët, nën udhëzimet e ekspertëve, mbollën së bashku me shumë dashuri fidanë bredhi, në një zonë të prekur nga zjarri në vitin 2007, e cila tashmë është në fazë rikuperimi.

Vijoi një informim nga Drejtoria e Përgjithshme e Pyjeve dhe Mjedisit Pyjor për rëndësinë e Parkut Kombëtar të Parnithës dhe mbrojtjen e tij, si dhe nga Shërbimi Zjarrfikës për ndërhyrjet dhe ndihmën ndërkombëtare në rastet e zjarreve. Takimi u zhvillua në Strehën Bafi, në prani të Presidentes së Republikës Greke, znj. Katerina Sakellaropoulou, Ministrit të Mjedisit dhe Energjisë, z. Theodoros Skylakakis dhe Sekretarit të Përgjitshëm të Pyjeve, z. Stathis Stathopoulos.