Ministrja e Shtetit për Administratën Publike dhe Antikorrupsionin, Adea Pirdeni zhvilloi një takim me me ndihmëssekretarin e Shtetit për Çështjet Ndërkombëtare të Narkotikëve dhe të Zbatimit të Ligjit, Todd Robinson.

Në një reagim në rrjetet sociale, Pirdeni u shpreh se me ndihmëssekretarin Robinson diksutuan mbi intensifikimin e axhendës antikorrupsion të qeverisë shqiptare.

“Z. Robinson theksoi mbështetjen e Shteteve të Bashkuara të Amerikës, partner strategjik në fuqizimin e llogaridhënies dhe konsolidimin e institucioneve demokratike të vendit”, theksoi Pirdeni.

Ndihmëssekretari amerikan për Byronë Ndërkombëtare të Narkotikëve dhe Çështjeve të Zbatimit të Ligjit në SHBA, Todd D. Robinson po zhvillon një vizitë në Shqipëri.