Ambasadorja e Republikës së Shqipërisë, Luela Hajdaraga, zhvilloi një takim me Ministrin e Migracionit dhe Azilit të Republikës Greke, Dimitris Kairidis.

Qëllimi i takimit ishte përcjellja e të gjitha problematikave shqetësuese për komunitetin shqiptar në Greqi, në kompetencë të kësaj ministrie, si dhënia/rinovimi i lejeve të qëndrimit.

POSTIMI I AMBASADËS SHQIPTARE NË GREQI

Në datën 11 mars 2024, Ambasadorja e Republikës së Shqipërisë, znj. Luela Hajdaraga, zhvilloi një takim me Ministrin e Migracionit dhe Azilit të Republikës Greke, z. Δημήτρης Καιρίδης-Dimitris Kairidis. 🇦🇱🇬🇷

Qëllimi i takimit ishte përcjellja e të gjitha problematikave shqetësuese për komunitetin shqiptar në Greqi – në kompetencë të kësaj ministrie, si dhënia/rinovimi i lejeve të qëndrimit, por edhe problematika të tjera të lidhura me këto të fundit, me qëllim zgjidhjen e tyre – duke iu referuar edhe Kodit të ri për Imigracionin (Nr.5038/2023).

Takimi u zhvillua në një frymë pozitive dhe bashkëpunuese, me shprehjen e vullnetit dhe gatishmërisë së Ministrit Kairidis për të ndjekur dhe zgjidhur të gjitha çështjet problematike në interes të komunitetit shqiptar në Greqi, brenda një kohe sa më të shkurtër.

Ambasadorja Hajdaraga dhe Ministri Kairidis ranë dakord të zhvillojnë një takim të dytë, në një format më të zgjeruar, me pjesëmarrjen e ekspertëve grekë nga disa ministri dhe të ekspertëve/përfaqësuesve të komunitetit shqiptar, brenda muajit prill 2024.