Ambasadori i Shqipërisë në Serbi, Dr. Bardhyl Canaj, vizitoi Arkivin e Ish-Jugosllavisë.

Ai u prit nga drejtori i Arkivit të Jugosllavisë, dr. Milan Terziç.

Gjithashtu, mori pjesë edhe Dragan Teodosic, arkivist i lartë dhe shef i Departamentit për Publikimin e Materialit Arkivor dhe Bashkëpunimit Ndërarkivor.

Sipas njoftimit të ambasadës, qëllimi i vizitës ishte biseda për modalitetet e bashkëpunimit ndërmjet Arkivave të Jugosllavisë dhe Ambasadës së Republikës së Shqipërisë, si dhe Arkivit të Jugosllavisë dhe Arkivit Shtetëror të Republikës së Shqipërisë.

Pas takimit drejtori i Arkivit të Jugosllavisë, dr. Milan Terzić shoqëroi ambasadorin në turin njohës në Arkiv.