Gjiknuri vizitë në Washington, takime me kongresmenë amerikanë

Shoqëruar nga ambasadori i Shqipërisë në Washington Ervin Bushati, Gjiknuri zhvilloi një takim me kongresmenin Jim Himes.


Bashkëkryetari i Komisionit të Posaçëm Parlamentar për Reformën Zgjedhore, Damian Gjiknuri po zhvillon një vizitë pune në Shtetet e Bashkuara të Amerikës në kuadër të një delegacioni të Kuvendit të Shqipërisë.

Shoqëruar nga ambasadori i Shqipërisë në Washington Ervin Bushati, Gjiknuri zhvilloi një takim me kongresmenin Jim Himes.

“Nisur nga interesimi i tij rreth votës së diasporës, e informova kongresmenin në lidhje me ecurinë e reformës zgjedhore në Shqipëri dhe garantimin në ligj të kësaj të drejte për shtetasit shqiptarë që jetojnë jashtë territorit tonë. Gjithashtu e njoha me përpjekjet e përbashkëta për të mbushur çdo boshllëk legjislativ në lidhje me këtë të drejtë të sanksionuar në Kodin Zgjedhor”, u shpreh ai.

Gjiknuri theksoi se “me rëndësi thelbësore është miratimi i një metode votimi nga jashtë që siguron integritet dhe llogaridhënie administrative për këtë proces sa të rëndësishëm aq edhe sfidues”.

“U angazhova të informoj në vijimësi Kongresin në lidhje me ecurinë e këtij procesi edhe në kuadër të interesimit të shumë organizatave dhe qytetarëve shqiptarë që jetojnë dhe punojnë në Shtetet e Bashkuara të Amerikës”, shkruan Gjiknuri.

Më herët, bashkë me disa deputetë të tjerë të Kuvendit të Shqipërisë ai takoi kongresmenin Peter Sessions.

“Diskutuam tema të çështjeve që lidhen me sigurinë në rajon, ashtu sikurse me zhvillimet më të fundit në rrafshin e sigurisë botërore. Me interes edhe mesazhet kyçe që pritet të përcillen ditën e nesërme në konferencën për sigurinë dhe sfidat e rajonit tonë, e cila do të zhvillojë punimet në mjediset e Kongresit të Shteteve të Bashkuara”, nënvizoi Gjiknuri.

Okulistika në QSUT, Simaku: Ndërhyrje falas në 2200 pacientë, u trajtuan 45 të huaj

Nga muaji janar deri në gusht të këtij viti, në Shërbimin e Okulistikës pranë Qendrës Spitalore Universitare “Nënë Tereza” janë…

Global 360

Protesta në Hagë, Rama: Asgjë tjetër përveç drejtësisë, për Kosovën dhe çlirimtarët e saj

Kryeministri Edi Rama deklaroi sot se shqiptarët kërkojnë vetëm drejtësi për Kosovën dhe çlirimtarët e saj.

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Elisabeta Katiaj – Zëri i gruas në biznes dhe në diasporë

Si nënkryetare e Dhomës së Biznesit të Diasporës Shqiptare, Katiaj ka ndihmuar në ngritjen e një platforme të fortë për…

Masmedia

Okulistika në QSUT, Simaku: Ndërhyrje falas në 2200 pacientë, u trajtuan 45 të huaj

Nga muaji janar deri në gusht të këtij viti, në Shërbimin e Okulistikës pranë Qendrës Spitalore Universitare “Nënë Tereza” janë…