I Ngarkuari me Punë i ambasadës së SHBA në Tiranë, David Wisner vizitoi disa kompani që përfaqësojnë markat amerikane në tregun shqiptar gjatë javës së shkuar, përfshirë Caterpillar, Ford dhe Pepsi.

Wisner pati diskutime gjithëpërfshirëse me kompanitë rreth ekonomisë, mjedisit të sipërmarrjes, sfidave me të cilat ata përballen dhe mënyrat se si mund të rrisim gjurmën amerikane në tregjet vendase.

“Përmirësimi i klimës së biznesit dhe investimeve, si dhe lufta kundër korrupsionit janë thelbësore për të tërhequr më shumë biznese amerikane. Ne presim me kënaqësi të punojmë me bashkësinë e biznesit dhe Dhomën Amerikane të Tregtisë për të sjellë më shumë marka amerikane në tregun shqiptar”, thuhet në një postim të ambasadës së SHBA në Tiranë.