Këngë zie për veten!

“Ndoshta të tjera kanë dashur të vdesin me mua…”


Nga Kliton Nesturi

KËNGË ZIE PËR VETEN

 

Ti do të të më mbysësh,… e dashur.

Këtë e di fort mirë, ndaj rri në heshtje

Dhe shoh vallëzimin tënd nëpër dhomë.

 

Nuk ka puthje, asgjë të tillë nuk ka.

Çdo gjë mes nesh ka mbaruar prej kohësh.

 

Sonte jemi këtu për të parë vallëzimin tënd

si hije,

dhe se si zotat luajnë me ne të dy.

 

Vdekja, herë pas here troket lehtë në derë

dhe pastaj hesht gjatë.

Unë qesh lehtë me të, dhe në agoni

ndjek hijen e vallëzimit tend.

 

Është makabre!

Unë nuk reagoj, siç dikush

do të bënte pa hezitim.

Fatin tim lë që të vallëzoj me ty

E duke qeshur, pi.

Tund kokën!…

Fati ynë, të vdesim bashkë

a veç e veç të harruar.

Nuk e di!

Ndoshta të tjera kanë dashur të vdesin me mua,

e të tjerë të vdesin me ty pranë, gjithashtu.

Por sonte jemi bashkë…

 

Bëj të të them një fjalë, por s’mundem.

Të të bërtas dua, e s’mundem sërish.

Heq dorë dhe çdo gjë e lë në heshtje,

të shkojë rrjedhshëm si në vallëzimin tënd – hije.

Vdekja sërish troket në derë…

 

——

11 maj 1999

 

(Botuar ne librin “I lindur bohem”, 2023 – Botimet M&B)

Lexo më shumë nga

Katër marrëveshjet e arritura në Samitin Ballkani Perëndimor-BE

Na ulja e kostove të transaksioneve bankare te korsitë e gjelbra

Global 360

Rezoluta e PE: Mungesa e suksesit në dialogun Kosovë-Serbi dëmton besueshmërinë e BE-së

PE-ja i bëri thirrje Bashkimit Evropian që ta ndryshojë qasjen në dialog, në mënyrë që të ketë përparim.

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

“La dolce vita”, një kontrapunkt aktual edhe i shoqërisë sonë

Një botë kukullash, një botë teatri. Botë që duket në dritë, po që s'ka më dritë.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Katër marrëveshjet e arritura në Samitin Ballkani Perëndimor-BE

Na ulja e kostove të transaksioneve bankare te korsitë e gjelbra