Nëse marrëveshja për migrantët funksionon mirë, atëherë mundet që të bëhet model edhe për vendet e tjera, deklaroi në një konferencë për shtyp në Zagreb kryeministrja italiane, Giorgia Meloni.

Në konferencën e përbashkët për median me homologun e saj kroat, Meloni e konsideroi këtë marrëveshje si novatore dhe inteligjente.

”Një marrëveshje mes dy qeverive ka nevoja për bazë të llojeve të ndryshme, nga traktatet ndërkombëtare dhe më shumë. Këto janë norma që do t’i krahasojmë me Parlamentin. Unë shoh një nervozizëm që nuk e kuptoj”, shtoi Meloni kur u pyet për marrëveshjen me kryeministrin Rama për migrantët.

“Me juridiksionin italian ne e ofrojmë këtë edhe në territore jashtë BE-së, me të gjitha garancitë e nevojshme dhe me mjete inovative, për t’u përballur si duhet me një presion kompleks migrator për Italinë”, theksoi ajo.

”Dua të falënderoj Shqipërinë dhe kryeministri Rama sepse tashmë kemi filluar prej muajsh të punojmë. Këtë verë… ne diskutuam se si mund të zgjidhim probleme së bashku dhe pamë se mund të punonim shumë mirë me njëri-tjetrin. Dhe unë besoj se duhen falënderuar”, theksoi Meloni.

”Do të varet nga aftësia jonë për ta bërë këtë marrëveshje të funksionojë”, shtoi ajo.

”Marrëveshja do të debatohet në parlament dhe nuk e kuptoj irritimin e opozitës në lidhje me këtë”, tha Meloni.

Ajo gjithashtu kritikoi të majtën italiane që kishte kritikuar kryeministrin socialist të Shqipërisë, Edi Rama që kishte pranuar idenë e qendrës së migrantëve.

”Me sa duket nuk konsiderohet më si e majtë që të ndihmosh Italinë dhe të pranosh migrantë. Por, unë dua të falënderoj Ramën”, përfundoi ajo.