Ambasadori Japonisë në Shqipëri, Takada Mitsuyuki, zhvilloi një vizitë në Bashkinë Përmet për përurimin e mjetit të ri teknologjik dhe kontenierëve, për mbledhjen e mbetjeve urbane sipas marrëveshjes së grantit.

Gjatë vizitës së tij Ambasadori Takada uroi që ky bashkëpunim të përmirësojë më tej shërbimin e menaxhimit të mbetjeve urbane në bashkinë Përmet.

Kryetarja e Bashkisë së Përmetit, Alma Hoxha, shprehu nga ana e saj falenderim për mjetin kaq të domosdoshëm për bashkinë dhe dëshirën për bashkëpunime të mëtejshme.

Postimi i Bashkisë Përmet

AMBASADORI JAPONEZ VIZITON PËRMETIN!

Ditën e sotme ambasadori japonez Takada Mitsuyuki realizoi një vizitë në Bashkinë Përmet për përurimin e mjetit të ri teknologjik dhe kontenierëve për mbledhjen e mbetjeve urbane sipas marrëveshjes së grantit.

Gjatë vizitës së tij Ambasadori Takada uroi që ky bashkëpunim të përmirësojë më tej shërbimin e menaxhimit të mbetjeve urbane në bashkinë Përmet.

Shërbimi i pastrimit tashmë do të jetë më cilësor, më i shpeshtë dhe do të mbuloj një sipërfaqe më të madhe falë mjeteve të siguruara.

Kryetarja e Bashkisë shprehu nga ana e saj falenderim për mjetin kaq të domosdoshëm për bashkinë dhe dëshirën për bashkëpunime të mëtejshme.

Një mjedis i pastër kërkon shërbim cilësor dhe tashmë mjeti teknologjik i duhur i shtohet mjeteve që do të kujdesen për pastërtinë në Bashkinë Tonë.

Ky është bashkëpunimi i parë me Ambasadën Japoneze, pse jo për ti hapur rrugë bashkëpunimeve të tjera në të ardhmen.

Së bashku për një mjedis më të mirë !