Siguria në shkolla, Balla: Pengojmë keqbërësit të arrijnë tek fëmijët

Ministri i Brendshëm, Taulant Balla u takua me stafin arsimor të gjimnazit “Vath Korreshi” në Lushnjë


Ministri i Brendshëm Taulant Balla u takua me stafin arsimor të gjimnazit “Vath Korreshi” në Lushnjë me qëllim për t’u njohur nga afër me ecurinë e zbatimit të masave për paketën e sigurisë në shkolla.

Në këto takime ai shoqërohej nga kryetarja e bashkisë Eriselda Sefa dhe zyrtarë të lartë të policisë në qendër e në qark.

Balla u interesua rreth masave të marra, për sigurinë në shkolla duke nënvizuar se fenomenet e shitjes dhe shpërndarjes së lëndëve narkotike ekzistojnë edhe në Lushnjë dhe përbëjnë një rrezik serioz për moshat e reja. Ai kërkoi nga pushteti vendor që të investohet në kamera sigurie që të mund të aksesohen nga policia, sidomos ato që janë brenda perimetrit të sigurisë në shkolla.

“Besoj e dini arsyen pse kam ardhur bashkë me drejtuesit e lartë të Policisë në nivel qendror me Jaupi, por dhe me drejtuesit e qarkut dhe Komisariatit të Policisë së Lushnjës.
Paketa e sigurisë në shkolla për mua është një nga gjërat më të rëndësishme, të cilat i kërkoj çdo ditë drejtuesve të policisë që të shpërblejmë besimin që na kanë dhënë qytetarët. Nga momenti që i dërgojnë fëmijët në shkollë, nga ai moment, i kemi ne në përgjegjësi. Ju keni përgjegjësinë e edukimit të cilësisë së arsimit, por ne kemi përgjegjësinë e sigurisë bashkë me kryetaren e Bashkisë. Kryetarja e Bashkisë ka pjesën e infrastrukturës.

Ne kemi pjesën që lidhet me rrugën nga shtëpia deri te shkolla. Pastaj ai kontakti i pa përshtatshëm me individë keqbërës që shpërndajnë lëndë narkotike. Një fenomen që si kudo në Shqipëri ekziston dhe në Lushnje, por na duhet dhe bashkëpunimi dhe me ju për të identifikuar keqbërësit, të cilët na komprometojnë të ardhmen e fëmijëve në aspektin shëndetësor, sepse lëndët narkotike shkatërrojnë shëndetin. Kjo nuk ka asnjë diskutim. I heqin fëmijët nga edukimi, nga arsimi dhe prandaj duhet të bëhemi të gjithë bashkë, dhe kjo është arsyeja pse jemi sot këtu”, theksoi ministri Balla në fjalën e tij.

Ministri i Brendshëm kërkoi nga strukturat që janë të ngarkuara me zbatimin e masave të paketës së sigurisë që të jenë më prezentë në sytë e publikut.

“Duhet të rritim prezencën tonë për të qenë në nivelin e pritshmërive të qytetarëve e prindërve të Lushnjës, të cilët kërkojnë prej nesh që edhe në Lushnjë të bëjmë diferencën me të kaluarën për të penguar keqbërësit që të arrijnë te fëmijët duke u shitur e shpërndarë lëndë narkotike. Paketa e sigurisë në shkolla, që lidhet edhe me luftën kundër përdorimit të lëndëve narkotike nga të rinjtë është një prej gjërave kryesore që mirëpres nga DVP së qarkut dhe komisariatet që në këtë pikë të bëjmë diferencë. Duhet të nxisim bashkëpunimin me zyrën arsimore, me oficerët e sigurisë në shkolla, por edhe me komunitetin,” nënvizoi Balla në fjalën e tij.

Ai përmendi gjithashtu faktin e përfshirjes së oksidit të azotit në listën e lëndëve psikotrope, përmes të ashtuquajturave tullumbace me azot.

“Siç jeni në dijeni, po përfshijmë në listën e lëndëve narkotike dhe psikotrope edhe disa lloje të tjera lëndësh të cilat kanë qenë përdorur në masë, sikurse është oksidi i azotit. Nga ana e mësuesve duhet të flitet pak më tepër me fëmijët, mbi efektin negativ që kanë kanabisi dhe lëndët e tjera narkotike si dhe lëndët psikotrope”, tha ministri.

Drejtuesit e pushtetit vendor e informuan ministrin Balla se shkollat janë të monitoruara me kamera. Ndërkohë bashkia ka nisur të vendosë kamera në kopshtet dhe çerdhet e qytetit. Gjithashtu bashkia Lushnjë ka përgatitur një kalendar për aktivitetet informuese dhe sensibilizuese me Drejtorinë e Shërbimeve Sociale dhe përveç objektit të shkollës, janë vendosur kamera edhe në tregun pranë shkollës si dhe çdo rreth-rrotullim i qytetit është i pajisur me kamera.

Ministri Balla shpjegoi se do të aplikohet teknologji për identifikimin e targave të mjeteve, çka mundëson informacion në kohë reale për çdo makinë që qarkullon, me qëllim parandalimin e ngjarjeve kriminale.

Marrë nga ATSH

Restaurohet Muzeu Etnografik i Krujës, Gonxhja: Trashëgimia kulturore mbështetje për ekonominë

Muzeu Etnografik i Krujës, i financuar nga Bashkimi Evropian, përmes programit EU4Culture, hapi dyert e tij për publikun.

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

Restaurohet Muzeu Etnografik i Krujës, Gonxhja: Trashëgimia kulturore mbështetje për ekonominë

Muzeu Etnografik i Krujës, i financuar nga Bashkimi Evropian, përmes programit EU4Culture, hapi dyert e tij për publikun.