Zëvendësshefja në detyrë e Misionit të SHBA në Tiranë dhe drejtuesja e USAID/Albania, Mischere Kawas mori pjesë në konferencën e Institutit Demokratik Kombëtar (NDI) në Shqipëri, me temë “Roli i parlamentit shqiptar në frenimin e korrupsionit”.

Duke marrë fjalën në këtë takim, Kawas pohoi angazhimin e SHBA në përpjekjet e Shqipërisë për të përmirësuar llogaridhënien, transparencën dhe drejtësinë.

“Parlamenti ka një rol thelbësor në luftën kundër korrupsionit dhe është përgjegjësi e të gjithëve të punojnë së bashku për të luftuar korrupsionin”, tha ajo.

Aktiviteti i sotëm nxiti qeverinë, median, shoqërinë civile dhe partnerët e tjerë të mbështesin parlamentin në rritjen e llogaridhënies dhe transparencës. /ATSH