Kryeministri Edi Rama priti sot presidenten e Kosovës, Vjosa Osmani e cila po qëndron për vizitë zyrtare dyditore në vendin tonë, me ftesë të presidentit Bajram Begaj.

“Me Presidenten Vjosa Osmani, për të tashmen dhe të ardhmen e marrëdhënies së patjetërsueshme Kosovë-Shqipëri”,u shpreh Rama në rrjetet sociale ndërsa publikoi momente nga takimi.

Gjatë vizitës në Tiranë Osmani zhvilloi takime me drejtues të lartë të shtetit.

Më herët Osmani u prit në takim nga presidenti Begaj, të cilin e falënderoi për mbështetjen që Shqipëria i ka dhënë Kosovës në të gjitha etapat e përpjekjeve për liri, pavarësi dhe shtetndërtim.

Në kuadër të kësaj vizite, Osmani do t’i dorëzojë shkrimtarit Ismail Kadare dekretin e nënshtetësisë së Kosovës. Vizita e Osmanit do të vijojë edhe të martën e 5 shtatorit kur do të vizitojë Durrësin dhe Beratin. /ATSH