TEA, aplikacioni i eventeve turistike të Shqipërisë, e ka bërë më të lehtë organizimin e pushimeve apo udhëtimeve të shkurtra të fundjavës.

Ministrja e Turizmit dhe Mjedisit, Mirela Kumbaro falënderoi sot stafin e aeroportit “Nënë Tereza”, që po i njeh vizitorët me këtë aplikacion.

Kumbaro tha se “stafi i aeroportit po menaxhon jo vetëm flukset më të larta turistike, por edhe i njohin vizitorët me TEA-n, udhërrëfyesen e këtij sezoni për të përjetuar eventet kulturore e turistike kudo në Shqipëri”.

TEA është një risi teknologjike për turizmin shqiptar është kalendari digjital, i cili ofrohet përmes një aplikacioni miqësor për çdo përdorues brenda Shqipërisë dhe anembanë botës duke ju dhënë mundësinë që për të parën herë të krijoni paketa të turizmit kulturor dhe të udhëtoni nëpër kulturën, trashëgiminë, artet, sportet dhe kulinarinë e pasur të Shqipërisë.

Me TEA-n, vizitorët vendas dhe turistët e huaj mund të mund të eksplorojnë kalendarin e ngjarjeve dhe të shënojnë aktivitetet e preferuara, sipas grupmoshës dhe vendndodhjes, duke u bërë pjesë e skenës së madhe kulturore e turistike të Shqipërisë.

TEA është i disponueshëm në Apple Store dhe në Play Store.

Në aplikacionin TEA pasqyrohen eventet e kategorive të ndryshme si Art Fest, Trashëgimi Kulturore, Festivale Muzikore, Sport, Koncerte, Folklor, Festa Lokale, Arte Pamore, Agroturizëm e Kulinari dhe Teatër. /ATSH