Promovohet libri me tregimi “Jeta në Pjatancë”, tregime i gazetarit të ndjerë, Vangjel Sako, që për fat të keq botohet pas vdekjes së tij të parakohëshme, një amanet i plotësuar nga familja Sako me mbështetjen e studiuesit, poetit dhe shkrimtarit të mirënjohur, Albert Abazaj.

Promovimi u bë, më datë 6 gusht 2023, ora 10:00, në bibliotekën ‘Nermin Vlora’, Universiteti ‘Ismail Qemali’, Vlorë, pikërisht në ditën e 64-vjetorit të lindjes së gazetarit profesionist Vangjel Sako.

Morën pjesë pjesëtarë të familjes Sako, gazetarë dhe autorë të njohur, miq të gazetarit Vangjel Sako. Aktiviteti u përcoll nga mediat, ndërsa TV Apollon e transmetoi “live”.

Gjatë promovimit u shfaq edhe një video me foto të ndryshme nga jeta familjare dhe profesionale e gazetarit Vangjel Sako.

Gazetari i mirënjohur, Vangjel Sako, ndërroi jetë, më 28 shkurt 2023.

Për vite të tëra kontribuoi si reporter mes Fierit, Vlorës dhe Tiranës, në mediat Radio “Valë e Kaltër”, TV Apollon dhe gjatë viteve të fundit, si opinionist pranë të përditshmes Gazeta “Sot”.

Vangjel Sako ishte anëtar i Unionit të Gazetarëve Shqiptarë dhe për vite të tëra u aktivizua në degët e organizatës duke qenë një ndër iniciatorët për veprimtaritë lokale të UGSH.

Vajza e gazetarit Vangjel Sako, Arjola, mbajti një fjalë prekëse.

“Pershendetje te gjitheve!

Nuk e kam te lehte te ndodhem sot para jush, pa e patur prane personin qe ishte forca ime, mbeshtetja ime me e madhe.

Por nuk mund te rri pa ju thene faleminderit me zemer qe gjetet mundesine per te ardhur sot, per te respektuar kujtimin e babit tim dhe mikut tuaj, per te nderuar vepren qe ai la pas, librin me tregime te titullur “Jeta ne pjatance”.

Falenderim i vecante per Albert Habazaj, i cili dha ndihmesen e tij te pakushtezuar per ta realizuar kete amanet ne diten e sotme qe babi ime do festonte ditelindjen e tij te 64.

Ne fakt e kisha enderruar ndryshe kete dite, por me shpresen se shpirti i bukur dhe fisnik i babit tim ndodhet ketu mes nesh, dua ti them: Ia dole buci, ashtu sic ti ia ke dale perhere.

Faleminderit edhe njehere dhe paci vetem bekime e lumturi ne familjet tuaja.”

“Vangjel Sako ishte shumë kërkues dhe me pretendime ndaj shkrimtarisë së tij, në fushën e gazetarisë dhe të letërsisë. I paharruar shok, koleg, mik i cmuar Vanngjel Llambi Sako, Xhekja ynë. 6 gushti i parë që na gjen pa ty. Ti sot mbush 64 vjec”, tha ndër të tjera, shkrimtari Albert Abazaj.

Miqtë e tij sollën kujtime nga njohja e tyre me gazetarin profesionist Vangjel Sako, duke dhënë vlerësime pozitive, si gazetar dhe si njeri, por edhe për familjen Sako.