Ambasadorja Faber takim me Nansi Pelosi: Mirënjohje për mbështetjen e fuqishme ndaj Shqipërisë
Kryediplomatja e Shqipërisë në SHBA u prit në një takim lamtumire nga ish-kryetarja e Kongresit Amerikan.
Ambasadorja e Shqipërisë në SHBA, Floreta Faber, u prit në një takim lamtumire nga Nansi Pelosi, ish-kryetarja e Kongresit Amerikan.
“Kryeparlamentarja Pelosi tregoi respekt të madh si për vendin tim, Shqipërinë, ashtu edhe për mua, duke u përfshirë në një bisedë të jashtëzakonshme dhe të thellë për marrëdhëniet reciproke të dobishme midis Shqipërisë dhe Shteteve të Bashkuara. Mirënjohja ime e sinqertë shkon për Kryetaren Pelosi për mbështetjen e saj të palëkundur!”, shkruan ambadadorja Faber në Instagram.
POSTIMI I AMBASADORES FLORETA FABER
Isha e emocionuar tej mase që pata mundësinë e jashtëzakonshme të një takimi kokë më kokë me Kryetaren e Kongresit, Nansi Pelosi. Është me të vërtetë një nga nderet më të mëdha të viteve të mia të shërbimit në Uashington, D.C., të bashkëpunoj me anëtarë të jashtëzakonshëm të Kongresit të Shteteve të Bashkuara si ajo.
Kryeparlamentarja Pelosi tregoi respekt të madh si për vendin tim, Shqipërinë, ashtu edhe për mua, duke u përfshirë në një bisedë të jashtëzakonshme dhe të thellë për marrëdhëniet reciproke të dobishme midis Shqipërisë dhe Shteteve të Bashkuara.
Kongresmenia Pelosi ishte gruaja e parë e zgjedhur ndonjëherë si Kryetare e Kongresit të SHBA. Ajo ishte gruaja e parë që drejtonte një parti të madhe politike në të dyja dhomat, duke udhëhequr Dhomën e Përfaqësuesve Demokratë për dy dekada. Sa herë që kisha mundësi të takohesha me të, ajo shprehte mirënjohjen e saj për partneritetin dhe aleancën e fortë mes Shqipëris dhe SHBA. Ajo është një grua e jashtëzakonshme, e apasionuar pas shërbimit të saj ndaj popullit amerikan, magjepsëse se sa shumë është e informuar dhe kujdeset për vendet dhe njerëzit në mbarë botën, shumë mbështetëse për fuqizimin e grave, personalitet i fortë dhe shumë respektues dhe miqësor në të njëjtën kohë.
Mirënjohja ime e sinqertë shkon për Kryetaren Pelosi për mbështetjen e saj të palëkundur!
Më shumë lajme
