Ministrja e Arsimit dhe Sportit, Evis Kushi priti sot në një takim zëvendësministren e Arsimit të Turqisë, Celile Eren Ökten.

Ministrja Kushi bëri të ditur se gjatë takimit u diskutua mbi ecurinë e marrëveshjeve të përbashkëta në fushën e arsimit.

Njëkohësisht, ajo theksoi se ranë dakord dhe për forcimin e mëtejshëm të bashkëpunimit mes dy institucioneve.

Kushi nga ana e saj, vlerësoi kontributin e dhënë nga Turqia, si dhe mbështetjen e vazhdueshme në projektet e politikat arsimore.

Zv/ministrja Ökten ishte e shoqëruar nga kryetari i Fondacionit “Maarif”, Birol Akgün dhe ambasadori i Turqisë në Shqipëri, Tayyar Kağan Atay.