Gjirokastra është mbipopulluar nga turistë të shumtë vendas dhe të huaj. Ndërtesat historike me muret dhe çatitë dalluese të gurta, ballkonet e drunjta dhe muret e zbardhura me gëlqere kanë tërhequr vizitorë të shumtë.

Lagja e qytetit të vjetër është një nga zonat më të frekuentuara nga turistët, aty ku nuk mungojnë edhe suveniret tradicionale shqiptare. Shumica e të huajve e kanë vizituar për herë të parë qytetin e gurtë.

“Jam nga Republika Çeke, është hera e parë që vij në Gjirokastër. Është një qytet shumë i bukur”.

“Vij nga Suedia. Do qëndroj disa ditë. Qenka një qytet shumë i bukur”.

“Pamë kalanë e qytetit, është shumë e bukur”

“Është hera e parë që vij në Gjirokastër dhe në Shqipëri. Është një qytet mjaft i bukur tradicional, edhe njerëzit po ashtu”.

Rikthimi pas 8 vitesh i Festivalit Folklorik Kombëtar në qytetin e përfshirë në listën e Trashëgimisë Botërore të UNESKO-s më 2005, si një nga pak shembujt e mbijetuar në Ballkan të qyteteve tregtare të stilit Osman, është një tjetër arsye që të regjistrojë një numër të lartë vizitorësh në këtë fillim sezoni turistik.

Tv Klan