Kryetari i Bashkisë së Beratit, Ervin Demo, së bashku me Ministren e Bujqësisë dhe Zhvillimit Rural Frida Krifca, vizituan Bashkinë Rossano, në Itali, organizuar në kuadrin e disa aktiviteteve në Kalabri, me fokus promovimin e produkteve tipike tradicionale të territoreve Arbëreshë dhe Shqiptare.

“Pata kënaqësinë të takoja edhe Kryetarin e Bashkisë Rossano z.Flavio Stasi me të cilin dakordesuam edhe për binjakëzimin ndërmjet qyteteve të Beratit dhe Rossano, me të cilën ndajmë vlera të përbashkëta të trashëgimisë sone kulturore dhe historike dhe pasurinë e njerëzimit Kodikët e Purpurt”, shkruan kryebashkiaku Demo.

Krifca dhe Demo u pritën edhe nga Kryetari i Bashkisë Arbëreshë Vaccarizzo Albanese, Antonio Pomillo.

POSTIMI I KRYEBASHKIAKUT DEMO

Së bashku me Ministren e Bujqësisë dhe Zhvillimit Rural znj.Frida Krifca, filluam vizitën në Bashkinë Rossano, organizuar në kuadrin e disa aktiviteteve në Kalabri, me fokus promovimin e produkteve tipike tradicionale të territoreve Arbëreshë dhe Shqiptare.

Emocione të veçanta të takonim Mons.Maurisio Aloise, Ipeshkvin e Arkipeshkvise Rossano Cariati, vendi ku është i ruajtur edhe Kodiku “Purpureus Rossanensis”, i cili daton në shek VI, të njëjtin shekull si “Kodiku i Purpurt i Beratit” dhe së bashku me Kodikët e Beratit janë pjesë e Memories së Botes, të ruajtur nga UNESCO.

Pata kënaqësinë të takoja edhe Kryetarin e Bashkisë Rossano z.Flavio Stasi me të cilin dakordesuam edhe për binjakëzimin ndërmjet qyteteve të Beratit dhe Rossano, me të cilën ndajmë vlera të përbashkëta të trashëgimisë sone kulturore dhe historike dhe pasurinë e njerëzimit Kodikët e Purpurt.

Patëm një pritje të ngrohtë nga Kryetari i Bashkisë Arbëreshë Vaccarizzo Albanese z.Antonio Pomillo dhe vizita u mbyll me një panair të produkteve tipike në Bashkinë Arbëreshë të Altomonte dhe takim me Kryetari z.Gianpetro Carlo Coppola.