Eksperimentet e teknologjisë hapësinore të Kinës japin rezultate frytdhënëse

Për herë të parë Kina ka përfunduar eksperimentet në orbitë mbi menaxhimin termik të metaleve të lëngëta në stacionin e saj hapësinor, ka njoftuar Agjencia e Drejtuar Hapësinore e Kinës (CMSA).


Për herë të parë Kina ka përfunduar eksperimentet në orbitë mbi menaxhimin termik të metaleve të lëngëta në stacionin e saj hapësinor, ka njoftuar Agjencia e Drejtuar Hapësinore e Kinës (CMSA).

Gjatë eksperimenteve, pajisja funksionoi në mënyrë të qëndrueshme dhe një sërë teknologjish kyçe të metaleve me bazë bismuti, si shkrirja e kontrolluar, zgjerimi dhe transferimi i nxehtësisë u verifikuan në mikrogravitet, tha agjencia.

E montuar në Kabinetin e Eksperimentit Bazë Hapësinor në modulin e laboratorit hapësinor të vendit Mengtian, pajisja është një nga pesë eksperimentet e para të stacionit hapësinor mbi teknologjinë hapësinore. Objektivi i këtyre eksperimenteve është të merret njohuri që mund të mbështesin më shumë mundësi eksperimentale dhe mbijetesë njerëzore në hapësirën e jashtme. Që kur u lançua tetorin e kaluar, kabineti në bordin e modulit laboratorik  ka dhënë rezultate të frytshme në eksperimentet e teknologjisë hapësinore, duke përfshirë verifikimin e performancës së metaleve të lëngëta në hapësirë.

Metalet e lëngëta përfshijnë metale të aliazhuara, si ato me bazë bismuti dhe galiumi, që mund të rrjedhin në një temperaturë normale ose pak më të lartë duke ruajtur vetitë metalike. Ato kthehen në një gjendje të ngurtë kur temperatura bie.

Disa veti të dëshirueshme të metaleve të lëngëta, si përçueshmëria e mirë, pikat e larta të vlimit dhe kapaciteti i mirë për transmetimin e nxehtësisë, i bëjnë ato premtuese në aplikimin e misioneve të ardhshme hapësinore.

Pajisja eksperimentale e menaxhimit termik të metaleve të lëngëta që vepron në orbitë u zhvillua nga Instituti Teknik i Fizikës dhe Kimisë nën Akademinë Kineze të Shkencave dhe është projektuar në bazë të metalit me bazë bismuti.

 

Foto nga CMS

Që kur pajisja hyri në orbitë, janë kryer disa teste dhe eksperimente, duke marrë të dhëna për transferimin e nxehtësisë të metaleve të lëngshme dhe kontrollin e temperaturës së ndryshimit të fazës së tyre në mikrogravitet, tha Agjencia e Drejtuar Hapësinore e Kinës.

Kjo është hera e parë që vendi ka kryer eksperimente të tilla në hapësirë.

Një tjetër rezultat i eksperimentit është vlerësimi i rreziqeve të copëzave të prodhuara nga një pajisje bazuar në fërkimin midis furçave elektrike dhe unazave rrëshqitëse. Pajisja përdoret gjerësisht për transferimin e energjisë dhe sinjalit në produktet elektromekanike të satelitit, të tilla si montimi i njësisë së rrjetit diellor.

Më parë ishte e panjohur se si ato copëza do të ndikojnë në punën në hapësirë kur ato notojnë nën vakum, pa peshë dhe efekte komplekse elektromagnetike, dhe nëse grimca të tilla do të lëvizin në një drejtim të caktuar ose do të grumbullohen në mikrogravitet, tha Agjencia e Drejtuar Hapësinore e Kinës. Në fillim të kësaj jave, agjencia hapësinore njoftoi se procesi i gjenerimit të fragmenteve të tilla të fërkimit dhe grupi i tyre u vëzhguan gjatë eksperimenteve pesëmujore.

“Zbulimi shënon përparim të rëndësishëm”,- tha Agjencia e Drejtuar Hapësinore e Kinës, duke vënë në dukje se ka hedhur një themel të fortë për përmirësimin e dizajnit të unazave rrëshqitëse në anijen kozmike dhe sigurimin e funksionimit të qëndrueshëm të pajisjeve të tilla në orbitë.

Foto nga VCG

Vlen gjithashtu të përmendet se funksionimi i konvertorit termoelektrik Stirling të vendit, një tjetër nga pesë eksperimentet e kabinetit, realizoi verifikimin e tij në orbitë në fund të marsit.

Konvertori i nxehtësisë në energji elektrike tregoi një efikasitet të avancuar ndërkombëtarisht të konvertimit gjatë funksionimit të tij të qetë, sipas agjencisë. Çdo projekt i eksperimenteve të teknologjisë hapësinore të vendit po kryhet siç është planifikuar dhe priten më shumë rezultate nga stacioni hapësinor, shtoi agjencia hapësinore.

Burimi: CRI.CN

Lexo më shumë nga

Digjitalizimi i shërbimeve, Myzyri: KPP ka marrë statusin e vëzhguesit në organet shqyrtuese të prokurimit të BE

Komisioni i Prokurimit Publik (KPP) ka prezantuar dy manuale për dorëzimin dhe shqyrtimin e ankesave në fushën e prokurimit publik…

Global 360

Osmani: Kemi ndërmarrë hapat e nevojshëm për përkrahjen e anëtarësimit të Kosovës në KiE

Në Komitetin për politikë dhe demokraci të Këshillit të Evropës, sot pritet të votohet raporti për Kosovën për anëtarësim në…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

NATO shpëtoi Kosovën nga spastrimi etnik i forcave serbe!

Ish-Ministri i Jashtëm: 24 Marsi i vitit 1999 mbetet i pashlyer në memorien e kombit tonë!

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Digjitalizimi i shërbimeve, Myzyri: KPP ka marrë statusin e vëzhguesit në organet shqyrtuese të prokurimit të BE

Komisioni i Prokurimit Publik (KPP) ka prezantuar dy manuale për dorëzimin dhe shqyrtimin e ankesave në fushën e prokurimit publik…