Të martën, në prag të festës “Qingming”, i ngarkuari i përkohshëm me punë i ambasadës kineze në Tiranë, këshilltari Wang Dexin, dhe punonjës të tjerë të ambasadës, shkuan në varrezën publike të Sharrës për të bërë homazhe për tre dëshmorët kinezë: Zhang Baoyu, Li Dexiong dhe Peng Guiwen, që dhanë jetën gjatë punëve të ndihmës për Shqipërinë në vitet ’60 – ‘70 të shekullit të kaluar. Ishin të pranishëm këshilltarja tregtare e ambasadës kineze Zheng Zhenling, kryetari i Shoqatës së Miqësisë Shqipëri-Kinë Spartak Nano dhe përgjegjës përkatës të Radiotelevizionit Shqiptar (RTSh).

Z. Wang vuri në dukje që, në vitet vitet ’60 – ‘70 të shekullit të kaluar, shumë specialistë dhe teknikë kinezë erdhën në Shqipëri për të marrë pjesë në projektet e ndihmës, duke ndërtuar me rininë, gjakun, e madje edhe jetën e tyre, një përmendore të miqësisë kino-shqiptare. Ata janë dëshmitarë, pjesëmarrës dhe kontribuues të kësaj historie miqësie. Pavarësisht sa larg shkojmë, nuk duhet të harrojmë kurrë rrugën nga kemi ardhur. “Do ta kujtojmë gjithmonë kontributin e tyre për forcimin e miqësisë ndërmjet të dy vendeve, duke marrë vazhdimisht forca prej tyre për të shkruar kapituj të rinj të kësaj miqësie në epokën e re,” theksoi z. Wang.

Përfaqësuesit e palës shqiptare u shprehën se shumë specialistë dhe teknikë kinezë, si Zhang Baoyu, kanë dhënë ndihmesë të rëndësishme për zhvillimin ekonomiko-shoqëror të Shqipërisë. Këtë populli shqiptar nuk do ta harrojë kurrë. Paraardhësit kanë lënë një thesar të çmuar shpirtëror për nxitjen e miqësisë ndërmjet të dy popujve. “Do të vazhdojmë të bëjmë përpjekje së bashku me miqtë kinezë, duke trashëguar miqësinë tradicionale dhe duke dhënë ndërprerë kontribut të ri për nxitjen e marrëdhënieve dypalëshe,” thanë përfaqësuesit e palës shqiptare.(Zhang Yan/Artan)

Burimi: CRI.CN