Kryeministri Edi Rama dekoroi sot shtatë sportistë elitarë me Medaljen e Mirënjohjes Publike, respektivisht me “Ylli i Madh i Mirënjohjes Publike” për peshëngritësit Briken Calja e Erkand Qerimaj dhe mundësin Zelimkhan Abakarov, ndërsa me “Ylli i Mirënjohjes Publike” Eklent Kaçin, skiatoren Lara Colturi, boksierin Alban Beqirin dhe bodybuilding Gentiana Beqa.

Në ceremoninë e zhvilluar në ambientet e Kryeministrisë, Rama u shpreh se “është nder që sot në vazhdën e një tradite që ka nisur me kampionen tonë të jashtëzakonshme Luiza, të nderojmë me një ceremoni familjare disa kampionë të tjerë, që kanë ngritur lart flamurin tonë kombëtar në arenën botërore”.

Për vitin 2022 kanë përfituar shpërblim gjithsej 54 protagonistë, ndër të cilët 27 shpërblime janë akorduar për sportistët, ndër ta si Briken Calja, Erkand Qerimaj, Alban Beqiri, Krenar Shoraj, Artur Lagja, së bashku me 27 trajnerët e tyre.

Gjithashtu, për herë të parë sportistët si Izmir Smalaj, Luiza Gega, Heidi Velikaj e Redia Dauti kanë përfituar shpërblim për fitimin e titullit Kampion Ballkani.

Edhe ministrja e Arsimit dhe Sportit, Evis Kushi, reagoi në rrjetet sociale.

“Ylli i Mirënjohjes Publike” ?është titulli që iu akordua sot nga kryeministri Edi Rama 7 sportistëve elitarë shqiptarë për suksesin e arritur në kampionate evropiane dhe botërore ? në disiplina të ndryshme.?‍♂️?‍♀️⛷️??
Mbështetja jonë për sportistët elitarë do të vazhdojë, jo vetëm me shpërblime monetare, por edhe me respekt e dinjitet, ashtu siç e meritojnë. ?
Një falënderim ? të përzemërt për çdo kampion që ngre lart flamurin shqiptar ?? në arenën ndërkombëtare e që shërben si model frymëzimi për nxënësit dhe rininë shqiptare.
#YlliIMirënjohjes ?
#SportiElitar