Ambasadori i Shqipërisë në Izrael, Dr. Bardhyl Canaj, priti në një vizitë kortezie Drejtorin e Përgjithshëm të ELNET, Emmanuel Navon; Pascaline Wagemans dhe Sani Sanilevic.

ELNET planifikon të mbajë një Samit Europian për Energjitë e Rinovueshme dhe Efiçencën e Energjisë në Shqipëri.

Sistemi energjetik europian po përballet me një krizë të paprecedentë, si efekt edhe i Luftës së paprovokuar në Ukrainë. Vendet e Bashkimit Europian varen nga Rusia për burimet fosile.

Samiti Europian për Energjinë e Efektive dhe të Rinovueshme do të mbahet në Tiranë. Shqipëria kryeson Presidencës e Zyrës së Energjisë të Komunitetit.

Shqipëria vlerësohet si një vend lider në rajonin e Ballkanit në përdorimin e energjisë së rinovueshme.

Lista e të ftuarve përfshin ministrat të Energjisë të vendeve të Bashkimit Europian, Shqipërisë, Izraelit, Turqisë, Emiratave të Bashkuara Arabe, Marokut si dhe ministrat e Energjisë nga Ballkani.

Në Samir do të marrin pjesë disa nga kompanitë më të mëdha izraelite në energjinë diellore, të erës, të teknologjisë ujore, agroteknologji, etj.

Postimi i Ambasadës Shqiptare në Izrael

Drejtori i Përgjithshëm i ELNET, Emmanuel Navon, Pascaline Wagemans dhe Sani Sanilevich, u takuan në ambientet e Ambasadës Shqiptare në Izrael me Ambasadorin Canaj, në një vizitë kortezie me rastin e emërimit të z. Navon si Drejtor Ekzekutiv i ELNET Israel.

Dr. Navon është një studiues i njohur, praktikues i punëve të jashtme dhe ekspert i marrëdhënieve Evropë-Izrael. ELNET planifikon të mbajë një Samit Evropian për Energjitë e Rinovueshme dhe Efiçencën e Energjisë në Shqipëri.