Kryetarja e Kuvendit, Lindita Nikolla, zhvilloi një takim me pune me Kryetarin e ri të Prezencës së OSBE-së, Ambasadorin Guido De Sanctis.

Sipas saj, pas përfundimit të reformës administrativo-territoriale, bashkëpunimi është fokusuar në realizimin e reformës zgjedhore.

Postimi i Kryeparlametares Nikolla

Një bisedë e dobishme pune me Kryetarin e ri të Prezencës së OSBE-së, Ambasadorin Guido De Sanctis.

Pas përfundimit të reformës administrativo-territoriale, bashkëpunimi ynë është fokusuar në realizimin e reformës zgjedhore.

Kuvendi do të përmbushë në afat detyrimet që burojnë nga vendimi i Gjykatës Kushtetuese për krijimin e kushteve për votimin nga jashtë vendit.
Bashkëpunimi shumë i mirë për zbatimin e projektit mbi edukimin qytetar dhe projekteve të tjera po krijon një kulturë të re për modernizimin e procesit legjislativ, e-legislation dhe transparencën e veprimtarisë së Kuvendit.