Gjyqtarët vendosën të zgjasin paraburgimin në burgjet e Harenit për eurodeputeten greke, Eva Kaili, e cila akuzohet për skandalin e korrupsionit “KatarGate” me vendin e Lindjes së Mesme.

Ajo do të mund të kërkojë sërish lirimin pas një muaji, nëse apelon vendimin.

Përmes një njoftimi, drejtësia belge bëri të ditur se nëse ajo e ankimon këtë vendim brenda 24 orëve, atëherë brenda 15 ditëve do të paraqitet para seksionit të aktakuzës në Gjykatën e Apelit të Brukselit.

Kujtojmë se më herët, avokatët e Kailit kanë bërë ankesa për “torturat dhe kushtet mesjetare të paraburgimit”, duke folur pas përfundimit të seancës.

Në njoftimin e drejtësisë belge thuhet si më poshtë:

Në kuadër të një hetimi të gjerë të Prokurorisë Federale për organizimin e dyshuar kriminal, korrupsionin dhe pastrimin e parave, Eva Kaili doli pasditen e sotme para dhomave të procedurës paraprake të Gjykatës së Shkallës së Parë të Brukselit

Për momentin, në interes të hetimeve nuk do të jepet më shumë informacion. Për zhvillimet e fundit për këtë ngjarje, shtypi do të informohet përmes komunikatave për media.