Mediat në Maqedoninë e Veriut raportojnë se numri i viktimave deri tani nga djegia e spitalit në Tetovë është 10. Mes tyre, pacientë, personel mjekësor dhe familjarë të të sëmurëve që ishin brenda, shkruan Portalb.

Vetëm pese pacientë kanë arritur të shpëtojnë gjallë dhe ata janë nisur menjëherë për në spitalin e Shkupit. Zjarrfikësit shuan zjarrin dhe po nxjerrin trupat e viktimave.

Ministri i Shëndetësisë Venko Filipçe u shpreh se “Zjarri është shuar dhe të gjitha ekipet e spitalit janë mobilizuar të japin ndihmën për të lënduarit.

Ato me urgjencë janë duke u transportuar për në Shkup që të ju jepet ndihma e nevojshme, ekipet e Klinikës janë të mobilizuar. Së shpejti do të kemi informacione”, ka thënë Filipçe.

Kryetarja e Komunës së Tetovës Teuta Arifi nga spitali u shpreh “Dhimbja është shumë e madhe, cilado të jetë arsyeja e shpërthimit dhimbja është e madhe nga kjo që ndodhi sonte këtu”, theksoi Teuta Arifi.