Ministri i Brendshëm, Ervin Hoxha priti sot një delegacion me deputetë nga Parlamenti Evropian.

Ministri Hoxha përmes një postimi në rrjetet sociale bën të ditur se gjatë takimit ka shprehur angazhimin për një proces zgjedhor sa më të qetë, të ndershëm dhe në përputhje me standardet më të mira.

“Prita sot një delegacion të deputetëve të Parlamentit Europian, të cilët janë në Shqipëri në kuadër të zgjedhjeve parlamentare të 11 Majit.

I sigurova eurodeputetët për angazhimin tonë për një proces zgjedhor të qetë, të ndershëm e transparent, në përputhje me standardet më të mira. Ky takim ishte gjithashtu një mundësi e mirë për të ndarë me ta disa nga hapat e rëndësishëm, ndërmarrë në forcimin e institucioneve”, njofton Hoxha.

Burimi ATSH