Kryeministri belg, Alexander De Croo njoftoi dorëheqjen pas humbjes së rëndë në zgjedhjet evropiane.

De Croo tani do ta drejtojë dorëheqjen e tij te mbreti Philippe, i cili ka fuqinë ta refuzojë atë sipas gjykimit të tij.

De Croo njoftoi dorëheqjen e tij, pas humbjes së partisë së tij Liberale dhe Demokratë Flamande (Open VLD) në zgjedhjet evropiane.

“Për ne, është një mbrëmje veçanërisht e vështirë. Ne humbëm. Që nga nesër, unë do të jap dorëheqjen si kryeministër”, tha një De Croo dukshëm emocionues në një fjalim para mbështetësve të tij të dielën.

Megjithëse pritej të mbetej pas partive nacionaliste dhe të ekstremit të djathtë në Flanders, Open VLD ka pësuar rënien e saj më të madhe në zonën elektorale të De Croo-s në Flandrën Lindore, ku lista e tij shkoi nga 17,85% në 2019 në 10% këtë herë – dhe më pak se 7% në përgjithësi.

Pavarësisht sondazheve që parashikonin se partia e ekstremit të djathtë, Vlaams Belang kundër migracionit do të bëhej forca kryesore politike në vendin me 11,5 milionë banorë, Aleanca e Re Flamane e krahut të djathtë (N-VA) ruajti vendin e parë, me një të pritshme 22% të votave, sipas rezultateve të përkohshme të siguruara nga Ministria e Brendshme./ (Euronews)

Marrë nga ATSH