Ministri i Brendshëm, Taulant Balla priti sot në një takim ambasadoren e re të Francës në Shqipëri, Catherine Suard.

Balla u shpreh pas takimit se, “Shqipëria dhe Franca kanë sot një nivel të shkëlqyer marrëdhëniesh dhe ne synojmë të zgjerojmë më tej bashkëpunimin shumëplanësh me agjencitë ligjzbatuese franceze në fushat që lidhen me rendin publik, luftën kundër trafiqeve ilegale dhe migracionit të parregullt”.

Mbi 60 mijë vizitorë francezë kanë zgjedhur Shqipërinë nga janari deri në korrik të këtij viti, plot 56 % më shumë se e njëjta periudhë e vitit të kaluar, theksoi më tej Balla. /ATSH