Ministrja për Evropën dhe Punët e Jashtme, Olta Xhaçka ndodhet në New York, pjesë e delegacionit shqiptar të kryesuar nga Kryeministri Rama, në javën e Nivelit të Lartë të Sesionit të 76-të të Asamblesë së Përgjithshme të OKB.

Në ditën e parë të qëndrimit në New York, Ministrja Xhaçka, zhvilloi një takim me homologun e saj egjiptian, Sameh Hassan Shoukry.

Ministrja Xhaçka falënderoi homologun e saj për mbështetjen e Egjiptit në zgjedhjen e Shqipërisë si anëtare jo e përhershme e Këshillit të Sigurimit.

“?Në New York ??, për javën e Nivelit të Lartë të sesionit të 76-të të Asamblesë së Përgjithshme të OKB ??, ku pata një takim mjaft pozitiv me Ministrin e Punëve të Jashtme të Egjiptit, Sameh Hassan Shoukry.
Vlerësova bashkëpunimin shumë të mirë mes Shqipërisë dhe Egjiptit në organizata ndërkombëtare. Jam e bindur se gjatë mandatit të Shqipërisë në Këshillin e Sigurimit, i cili nis në 1 janar 2022, ne do të ndërtojmë mbi këto baza solide dhe lidhjet historike mes dy vendeve, për të forcuar dhe zhvilluar më tej marrëdhëniet në të gjitha fushat me interes të ndërsjellë. ?????”, shkruan Xhaçka.

Të dy ministrat vlerësuan nivelin shumë të mirë të marrëdhënieve midis dy vendeve dhe ndanë mendimin se ekzistojnë mundësitë për zhvillimin e mëtejshëm të tyre, kryesisht në aspektin ekonomik.

Në këtë kuadër, ata theksuan rëndësinë e mbajtjes të Sesionit të Parë të Komisionit të Përbashkët Ekonomik, si një forum i rëndësishëm për diskutimin dhe eksplorimin e mundësive për rritjen e bashkëpunimit ekonomik dhe shkëmbimeve tregtare mes dy vendeve.