Kryeministri Edi Rama deklaroi sot se “gjykata ka lënë për të dëshiruar, të gjitha arrestimet e policisë kanë qenë të ligjshme”

Në takimin me drejtuesit e gjimnazeve të Tiranës, Rama tha se “edhe pse në këtë rast, gjykatësit janë të kompleksuar nga trysnia e madhe e kësaj force të verbër, edhe në rastet e ndalimit të të miturve gjykata ka dhënë vendim të mbikëqyrjes prindërore”.

“Prindi ka përgjegjësinë e vet, edhe pse jemi të vetëdijshëm se në kushtet e veçanta sociale prindërit duhen ndihmuar, por prindërit do të jenë pjesë e përgjegjësisë së dëmit të shkaktuar nga fëmijët e tyre”, tha Rama

“Po punojmë intensivisht për të përgatitur një paketë masash jo të natyrës thjesht penale por të natyrës administrative sepse kush shkatërron paguan. Kush dëmton pronën e tjetrit kush shkul pllakat e trotuareve që shtrohen me paratë e taksapaguesve të këtij qyteti dhe kush detyron dhe imponohet bashkisë së qytetit i imponohet qeverisë që çfarë ka planifikuar për ta çuar për shkolla për çerdhe për kopshte duhet ta çojë për riparime duhet të përndiqet nga hija e shtetit, që i vjen pas dhe i kërkon një më një dëmshpërblimin”, vuri në dukje Rama.

Burimi ATSH