Katastrofa e rrëshqitjes së dheut që ndodhi të mërkurën, rreth orës 10 e 30 në Nepal, shkaktoi shumë të vdekur, të plagosur dhe të zhdukur në pikën kufitare Gyirong në Xizang të Kinës. Pas ndodhjes së fatkeqësisë, ekipe të shumta shpëtimi arritën menjëherë në vendngjarje, por puna e shpëtimit ende përballet me vështirësi të shumta.

Vështirësia e parë: Sipërfaqja e madhe. Një vëllim masiv akulli dhe shkëmbinjsh ra poshtë me shpejtësi të lartë përgjatë një shtegu prej 20 kilometrash, ndërsa rënia vertikale arriti në afro 3 300 metra. Një diferencë kaq e madhe e lartësisë dhe shpejtësia super e madhe e rrjedhës e transformuan rrëshqitjen e dheut në një “përrua shkatërrues”. Si pasojë, sipërfaqja e kërkim-shpëtimit është zgjeruar shumë, duke e bërë përcaktimin e vendndodhjes shumë të vështirë.

Vështirësia e dytë: Përmbytja e rrugëve dhe ndërprerja e trafikut. Dy rrugët kryesore drejt pikës kufitare Gyirong gjarpërojnë përgjatë grykës dhe ato u shkatërruan nga rrëshqitja e dheut, prandaj është e vështirë që njerëzit, makineritë dhe materialet të hyjnë shpejt në një kohë të shkurtër.

Vështirësia e tretë: Hapësira e kufizuar për operacionet e shpëtimit. Terreni në zonën e prekur nga katastrofa është i pjerrët dhe, në pjesët më të ngushta të përroit, shtegu është vetëm rreth tre metra i gjerë. Hapësira e kufizuar pengon hyrjen e makinerive të mëdha, duke krijuar kushte shumë të pafavorshme për kërkim-shpëtimin.

Vështirësia e katërt: Kapacitetet e kufizuara të shpëtimit ajror. Ortekët e akullit dhe të borës në lartësi të mëdha, së bashku me erërat e forta anësore dhe prerjet turbulente, si edhe me dukshmërinë e ulët të shkaktuar nga moti i vazhdueshëm me mjegull e shi në luginë, e kufizojnë aftësinë e shpëtimit ajror.

Për të parë videon e plotë klikoni këtë link të CGTN