Shkolla “35 Vjetori i Çlirimit” në Gramsh do të nisë vitin e ri shkollor pas rikonstruksionit, duke ofruar ambiente të reja dhe kushte bashkëkohore për nxënësit dhe mësuesit.

Ministrja e Arsimit, Mirela Kumbaro bëri të ditur se, në kuadër të ndërhyrjes është rikonstruktuar godina e shkollës, ndërsa është ndërtuar edhe një palestër sportive, duke zgjeruar hapësirat në dispozicion të nxënësve për zhvillimin e aktiviteteve sportive dhe edukative.

Investimi ka krijuar një mjedis më të përshtatshëm për procesin mësimor, si dhe mundësi për aktivitete të ndryshme të nxënësve edhe jashtë orarit të mësimit.

Shkolla do të mirëpresë nxënësit në nisjen e vitit të ri shkollor me ambiente të përmirësuara dhe infrastrukturë sportive, në funksion të një procesi arsimor më cilësor.

Burimi ATSH