Presidenti kinez Xi Jinping vlerësoi të premten hopin historik në lidhjet Kinë-Kirgizistan nga miqësia e fqinjësisë së mirë në partneritet strategjik dhe pastaj në partneritet të gjithanshëm strategjik për një epokë të re.

Kreu i shtetit i Kinës i tha këto në një artikull për medien e Kirgizistanit në prag të vizitës së tij në këtë vend të Azisë Qendrore.

Në artikull, Xi i bën thirrje Kinës dhe Kirgizistanit të konsolidojnë miqësinë e fqinjësisë së mirë, të mbeten të përkushtuara ndaj bashkëpunimit me përfitime të ndërsjellta, të vazhdojnë miqësinë tradicionale të tyre dhe të mbështesin multilateralizmin.

Ai i nxit të dy vendet që të rritin si cilësinë, ashtu edhe sferën e bashkëpunimit praktik duke pasur si fokus kryesor bashkëpunimin në kuadër të nismës “Një brez, një rrugë” me cilësi të lartë e të punojnë së bashku për të shkruar një kapitull të ri të zhvillimit me cilësi të lartë të marrëdhënieve dypalëshe.

Sipas Xi-së, Kina dhe Kirgizistani duhet të kundërshtojnë vendosmërisht hegjemonizmin, unilateralizmin e përballjen në blloqe.

Burimi CGTN