Kryeministri Edi Rama deklaroi sot se programi kombëtar “Dyfisho sipërmarrjen tënde” parashikon mbështetjen e shoqërive të përbashkëta në fshat midis subjekteve private, fermerëve dhe sipërmarrësve të vegjël dhe të mesëm.

Në eventin e organizuar mbi programin kombëtar kombëtar “Dyfisho sipërmarrjen tënde”, Rama u ndal te zhvillimi rural, ku theksoi se prioritet mbetet nxitja e agropërpunimit ku ka ende shumë potencial.

Ndërkohë, Rama theksoi se do të stimulohen edhe sipërmarrjet që lidhen me turizmin.

Kryeministri theksoi se programi është menduar për sipërmarrjet e vogla dhe të mesme dhe jo për sipërmarrjet e mëdha.

“Sipërmarrjet e mëdha nuk do kenë mundësi që të kenë akses në këtë program edhe sikur të bëjmë nga ato truket që vijnë nga sektori privat në qeveri. I kemi mbyllur të gjitha shtigjet”, shtoi ai.

Nga ana tjetër, kryeministri informoi se ministri i Pushtetit Vendor, Ervin Demo ka barrën e koordinimit të bashkive me programin në drejtim të shoqërive të përbashkëta.

Linjat e financimit, sipas tij, janë të parashikuara të stimulojnë produktivitetin, gjë që është një nga zilet kryesore të ekonomisë tonë sot.

Një tjetër linjë që do të financohet përmes programit, sipas Ramës, është industria përpunuese në tërësi.

“Në vijim do të mbështetet edhe transporti dhe logjistika, pastaj teknologjia dhe ekonomia dixhitale, Kemi shumë realitete që me financim mund të kalojnë në një nivel tjetër.

Burimi ATSH