Ambasadori i Spanjës në Shqipëri, Gabriel Cremades, zhvilloi takime me përfaqësues të kompanive spanjolle të pranishme në Shqipëri, si dhe me kompani shqiptare 🇦🇱 që kanë lidhje dhe bashkëpunime ekonomike e tregtare me Spanjën.

Takimi bëri të mundur shkëmbimin e përvojave, gjetjen e mundësive të reja për bashkëpunim dhe vlerësimin e rolit të sektorit privat në forcimin e marrëdhënieve ekonomike dhe tregtare midis dy vendeve.

“Prania në rritje e kompanive spanjolle dhe aleancat me partnerët shqiptarë janë një dëshmi e lidhjeve që bashkojnë dy ekonomitë tona, si dhe rritjen e potencialit për të vazhduar nxitjen e iniciativave dhe projekteve të reja të përbashkëta.

Vijojmë të punojmë për të afruar Spanjën dhe Shqipërinë edhe nëpërmjet sipërmarrjes, investimeve dhe bashkëpunimit ekonomik”, shkruan ambasada spanjolle në njoftimin e saj në rrjetet sociale.