4Rreth 1600 studentë nga 38 shtete të Europës dhe 400 universitete do të mblidhen në Tiranë për një event të veçantë sportiv, që për herë të parë zhvillohet në Shqipëri.

Ministri i i Turizmit, Kulturës dhe Sportit, Blendi Gonxhja u shpreh sot se nga data 7 deri më 17 shtator 2026, mbi 1 600 pjesëmarrës nga rreth 400 universitete dhe 38 vende europiane do të garojnë në taekwondo, karate, xhudo dhe kickboxing.

“Tirana bëhet kryeqendra europiane e sportit universitar. Dhjetë ditë sport, energji dhe kulturë në zemër të kryeqytetit”, u shpreh Gonxhja.

Eventi organizohet në bashkëpunim me Federatën Shqiptare të Sportit Universitar dhe me mbështetjen e Ministrisë së Turizmit, Kulturës dhe Sportit, Bashkisë së Tiranës dhe Qendrës Studentore.

Aktiviteti pritet të sjellë në Tiranë një numër të konsiderueshëm studentësh dhe përfaqësuesish universitarë nga vende të ndryshme europiane, duke e vendosur kryeqytetin shqiptar në qendër të një eventi të rëndësishëm të sportit universitar ndërkombëtar.

Marrë nga ATSH