Kryeministri Edi Rama do të mikpresë nesër presidentin e Këshillit të Europës, Antonio Costa, i cili viziton Tiranën, në kuadër të vizitave diplomatike në gjashtë vendet e Ballkanit Perëndimor, në prag të Samitit BE–Ballkani Perëndimor që do të mbahet më 5 qershor në Tivat të Malit të Zi.

Agjencia për Media dhe Informim bën me dije se, Samiti po mbahet gjashtë muaj pas samitit të fundit në Bruksel, duke riafirmuar forcimin e marrëdhënieve të BE-së me Ballkanin Perëndimor.

Nesër, pas takimit të përbashkët mes dy delegacioneve, kryeministri Rama dhe presidenti i Këshillit të Europës Antonio Costa do të mbajnë një konferencë të përbashkët për shtyp.

Takimi dypalësh mes delegacioneve pritet të mbahet nga ora 11:15 – 12:00.

Ndërsa konferenca e përbashkët për shtyp do të mbahet në orën 12:15 – 12:45

Burimi ATSH