Briken Calja ka shkëlqyer në Kampionatin Ballkanik të Peshëngritjes që po mbahet në Durrës, duke fituar tri medalje ari dhe duke vendosur tre rekorde ballkanike.

Në kategorinë 79-88 kg, Calja ngriti 150 kg në shkëputje, 185 kg në shtytje dhe 335 kg në dygarësh, duke lënë pas turkun Ramazan Zeydanli, i cili u rendit i dyti.

Nga ana tjetër, shkodrani Erkand Qerimaj, i rikuperuar nga një dëmtim, nuk arriti të finalizonte asnjë nga gjashtë provat e tij.

Ky sukses i Caljës konfirmon vendin e Shqipërisë në peshëngritjen rajonale.

Dje peshëgritësja e Partizanit, Desjana Koni fitoi dy medalje bronzi në Kampionatin Ballkanik.

Në Kampionatin Ballkanik për të rritur në peshëngritje marrin pjesë 69 sportistë nga 8 vende të rajonit.

Kampionati Ballkanik i Peshëngritjes për të rritur është kthyer pas 38 vitesh mungesë në Shqipëri.

Burimi ATSH