Kryeministrja e Italisë, Giorgia Meloni në konferencën e përbashkët me kryeministrin Edi Rama sot në Romë, u ndal edhe tek marrëveshja Itali-Shqipëri për emigrantët, duke e cilësuar atë “një marrëveshje me frymë të thellë evropiane”.

“Sa i takon sigurisë fokusi po kaq marrëveshjeve të rëndësishme do ta fuqizojnë luftën kundër trafikut të drogës apo sigurisë kibernetike janë hallka shumë të rëndësishme që kalon nga një vizion, ai i të përballuarit së bashku të fenomenit të emigracionit, gjë të cilën e kemi diskutuar gjatë me kryeministrin Rama për Protokollin tonë me Shqipërinë, për të cilin edhe një herë do të doja të falënderoja Kryeministrin dhe qeverinë e tij, por edhe gjithë popullin shqiptar, pasi ajo që u tregua në aktin e nënshkrimit të këtij protokolli është fakti që Shqipëria sillet tashmë si një vend anëtar i BE-së dhe që vetëm me solidaritetin ndaj vendeve me të cilët bashkëpunon mund të shihet”, theksoi Meloni.

Meloni u shpreh se “kam gjykuar dhe vazhdoj të gjykoj që Protokolli që ne kemi nënshkruar është një marrëveshje me frymë të thellë evropiane, sepse vë theksin tek fakti që fenomeni migrator është një fenomen mbarevropian dhe vetëm falë bashkëpunimit të shteteve anëtare të BE-së por edhe mes kësaj të fundit dhe vendeve të tjera jashtë BE-së”.

Një protokoll, vijoi Meloni, i cili vë theksin në një protokoll novator që ka ngjallur interesin e shumë vendeve të tjera siç dihet sigurisht jo të gjithë arritën ta kuptonin vlefshmërinë e këtij modeli.

“Shumë ishin ata që punuan për të frenuar apo bllokuar atë, por ne jemi të vendosur të vazhdojmë përpara më tej sepse sipas nesh ky mekanizëm ka potencialin e ndryshimit që quhet paradigma e flukseve migratore. Ky është një nga shembujt që ne mund të sjellim për sa është tashmë i pjekur dialogu mes nesh se sa Italia dhe Shqipëria edhe në arenat ndërkombëtare vazhdojnë të kenë një vizion të përbashkët”, tha Meloni.

Burimi ATSH