Peshëngritësja Enkileda Carja ka thyer 3 rekorde evropiane në Kampionatin Evropian të Peshëngritjes që po zhvillohet në Durrës

Për këtë sukses të peshëngritëses shqiptare reagoi edhe ministri i Turizmit, Kulturës dhe Sportit, Blendi Gonxhja duke u shprehur krenar për këtë arritje.

Carja thyu 3 rekorde evropiane në stilin e shkëputjes (95kg, 97kg dhe 98kg) dhe fitoi medaljen e artë në kategorinë 63 kg

Në Durrës po zhvillohet Kampionati Evropian i Peshëngritjes për Junior dhe U23.

Kampionati po mbahet nga data 28 tetor deri më 4 nëntor në Pallatin e Sportit “Ramazan Njala” në Durrës, me pjesëmarrjen e 35 shteteve evropiane.