Kryeministri dhe njëherazi kryetari i Partisë Socialiste, Edi Rama zhvilloi sot takimin përmbyllës elektoral në Durrës, ku theksoi se në 11 maji vota duhet të jetë një detë kuqezi për Shqipërinë në Bashkimin Evropianë në vitin 2030.

Rama tha se Durrësi i vitit 2030 nuk do t’i ngjajë Durrësit sot, ashtu siç Durrësi sot nuk i ngjan Durrësit të para dhjetë viteve.

“Mund të flisja këtu gjatë, Ani preku çfarë ne kemi bërë dhe çfarë do të bëjmë për Durrësin, por ju siguroj që Durrësi i 2030-s do të ngjaj me Durrësin sot, aq sa ngjan Durrësi sot me atë para 10 vjetësh. Do të jetë një Durrës, ku të gjitha projektet do të kenë marrë formën e tyre, ku porti i ri tregtar do të jetë operativ, ku porti turistik do të jetë operativ. Ku rritja ekonomike do të jetë realitet, ku vendet e punës do të jenë shumë më tepër, pasi shumë më tepër tregti do të bëhet në Durrës, shumë më tepër do të krijohet në Durrës. Por, prapë e përsëris, ne duhet të mos harrojmë që në fund të ditës historia e shqiptarëve ka qenë dhe ka mbetur gjithmonë, jo një histori për t’u bërë më të pasur në radhë të parë, por një histori për të mbijetuar me dinjitet dhe është momenti të vendosim dinjitetin dhe identitetin tonë europianë në një pasaportë.

Motra dhe vëllezër, ju nuk do të ndaleni dhe nuk do të lini që askush rreth jush, i afërt ose i njohur, të mos vijë me ju në kutinë e votimit për të nxjerrë nga hapja e kutive një det të madh kuqezi edhe këtu në Durrës, në qarkun e Durrësit”, tha Rama.

Burimi ATSH