Ditën e sotme, Biblioteka Kombëtare e Shqipërisë, në bashkëpunim me Ambasadën e Republikës së Azerbajxhanit, përuruan librin e historianit dhe studiuesit të marrëdhënieve ndërkombëtare Dr. Dorian Koçi, “Rindërtimi dhe rigjallërimi i jetës sociale pas konfliktit në Karabak në Azerbajxhan”, në ambientet e Qendrës “Sotir Kolea”, BKSH.

Të pranishëm ishin Drejtori i Bibliotekës Kombëtare, z. Piro Misha, dhe zv.Drejtorja, znj. Majlinda Toçi; Ambasadori i Republikës së Azerbajxhanit, Anar Huseynov; Ministrja e Bujqësisë dhe, njëkohësisht, Kryetarja e Grupit të Miqësisë Shqipëri-Azerbajxhan, znj. Anila Denaj; Ambasadori dhe Prorektori i Universitetit Mesdhetar në Shqipëri, z. Arben Cici, si dhe shumë studiues, historianë dhe diplomatë të nderuar.

Ky hulumtim fokusohet në strategjitë dhe politikat e përqendruara në qeverisjen dhe sigurinë, rigjallërimin ekonomik dhe përpjekjet për pajtim social në rajonet e çliruara pas konfliktit.